عنآآآآآيتي بشعري...~

السلام عليكم ورحمة الله وبركاته

قبل كم يوم كتبت قصتي مع شعري كيف صار بكثرة الصبغات والقصات

ملاحظه:

اللي ماقرت الموضوع السابق لشعري تقراه ثم تقرا الموضوع هذا

بداية عنايتي بشعرري

كانت قبل كم يوم من عيد الاضحى لسنة 1430هـ

كان شعري طبقات من القصات وتلفان تلف مو طبيعي

بهذاك اليوم قررت اقص كل الشعر التالف 

تخيلو كان الى نص ظهري طوله وقصيته كاريه الى رقبتي..~

كله راح وانا ماحب الشعر القصير ابد ابد ابد بس اهم شي سميت بالله وخليت اللي تقص شعري تسمي 

وقصته لي  الحمدلله القصه ناسبتني بس مو اللي بخاطري 

بعيد الاضحى اللي كان بسنة 1430 الكل استغرب لاني قصيته 

والحين رجع ولله الحمد الى نص ظهري

الفضل لله ثم لعنايتي فيه 

1/  اول شي كان شعرري يتساقط  و قل الشششعر بالبداية 

عشان اعلآج هالمشكله  سويت تحليل للحديد واخذت حبوب الحديد 

الحمدلله بعد هالحبوب شعري ققل التساقط بنسبة 50% 

نقصي الحديد بسبة الريجمات القاسيه وعدم اكلي لسلطات 

2/ زيت دابر املا الذهبي بالياسمين او بزيت الزيتون اللي بتقول ريحة مو حلوه او شي 

زيت دابر املا الذهبي الجديد ريحة مختلفه عن القديم  ريحة ياسمين يعني لو تحطين خفيف منه ماحد راح يلاحظ

طريقتي فيه مرتين بالاسبوع  اغسل شعري قبل واحط الزيت ساعتين او ثلاث ساعات 

بالصيف ماكنت اغسل شعري يوميا يوم ورا يوم 

وبالشتا  يوم اغسله ويومين لا 

3/ اخذت حبوب يور هير من  gns

هذي الحبوب انا اخذها بدال الحديد يعني يا اما الحديد او هذي  الحبوب 

اخذت هذا التقرير عنه من النت لكن بالفعل الحبوب مفيده لشعر

فيتامين Your Hair

يور هير كبسولات من شركة أرمال GNC - مركز الفيتامينات والأعشاب الطبيعية
وهي مجموعة فيتامينات ومعادن وأعشاب تغذي بصيلات الشعر . تساعد على سرعة نمو الشعر بكثافة .تلمع الشعر تمنع تقصفه تمنع تساقطه . تعمل كمضادة للقشرة .
وهي مفيدة أيضا للجلد حيث أنها تنعم الجلد وتمنع تكون التجاعيد .تساعد على إزالة بقايا الحروق والشوائب الجلدية تدعم وصول الدم والأوكسجين إلى الجلد وفروة الرأس
الحجم 60 حبة تكفي شهر
والجرعة قرص واحد مرتين يوميا

بهالفتره سمنت شوي مادري من هذي الحبوب او لا ..~

4/ شرب الماء الكافي 

تقريبا احاول اشرب لتر ماء كل يوم .. مايعدل 8 اكواب ...~

الحمدلله الحين شعري طبيعي والكل يشهد انه تحسن وفيه لمعة طبيعيه وحياه 

ياليت كل وحده قرت الموضوع تستفيده منه ...~